جروحي يا أرض حطّين طابوا
بمقام ال عالمدى مشرِّع بوابو
بربيعك في نحل للشّوق حايم
بحمى سيّدي النّبي شعيب وترابو
وعنا سيدنا سلمان قايم
صعاب قلوب أحبابوا اللي تابوا
بحكم حكمة عقل في عز دايم
لسؤالو السائل يلاقي جوابو
الموحّد عن معاصي الكون صايم
بيفطر عند ما يطلوا حبابوا
لما يصبح الميزان قايم
الكان الخير من نخبة صحابو
العين كتاب حكمه بقلب هايم
ركض الها الموحد في شبابو
تايشرب للحقيقه وحق عايم
المسا بين تقي فاتح كتابو
بحمى مقام الطهاره هالنسايم
بيحيوا قلوبنا بلحظات طابوا
الأرض المباركة ومش هم لايم
لنا عليها من الرحمن طابوا
بيبقوا عزنا أهل العمايم
بني معروف اهلي الما يهابوا
سوا عالي الخلق وقت اللزايم
النا مقام سيدنا بيبقى
ليوم الدين ولطلة حسابو
