الموقع قيد التحديث!

شعر: “على فراق الغوالي – يا راحلين”

بقلم الشيخ أبو ايال حميد حديد
دالية الكرمل
Share on whatsapp
Share on skype
Share on facebook
Share on telegram

يا راحلين بحقّ النبي عودوا طال الهجر والجسم جفّ عودو
والعقل مش قادر يفهم اللي صار ما تعوَّد المحبوب يخلّ بوعودو
تزعزع الصّبر والفِكر مِحتار ما عاد يِدرك شو طالع بإيدو
الوقت ضاع صار ليلو نهار والجُرح كاوي والجفا بيقيدوا
الإحساس قاسي منكوي بالنّار والبُعد قاتل والنّوى بيزيدو
الإيمان راكز شدّد الأوتار هاج العزم الشكوى ما بتفيدو
حَثّ الثبات وبهداية القدّار الحاكم القادر الحال بيريدو
سبحان باري الخلايق المالك الجبّار مالك المُلك للكون بيقودو
أُلطف بعبدك أنت صاحب الدار والعبد بالأدوار بالهجِر بيعودو
هدّي الخواطر يا مُوزِّع الأقدار وارحم ضعيف الحال بجهودو
تجاوز على الفقير يا صفيّ البار واصفح بحلمك علّي خلّ بوعودو
معترف بالتقصير وكثرة الأوزار نيّال يلّي نال مرضاة معبودو
بجاه الأوليا ورضى السيد المختار هذا البلا عَلعَبِد ما يعيدو
ويطعمنا حُسن الخاتمة بحقّ يللي زار وقبّل الضريح ودعا بسجودو

مقالات ذات صلة: